Katibu Mkuu wa Wizara ya Elimu, Sayansi na Teknolojia, Prof. Carolyne Nombo, Januari 26, 2026 jijini Dodoma, amekutana na kufanya mazungumzo na Mtendaji Mkuu (CEO) wa Taasisi ya Elimu Matokeo, Bi. Rakshita Vaya, kwa lengo la kujadili maboresho ya mfumo wa elimu nchini.

Taasisi ya Elimu Matokeo inalenga kubadilisha mfumo wa elimu kwa kutoa programu bora, jumuishi na zinazopatikana kwa urahisi ili kukidhi mahitaji ya wanafunzi wa ngazi mbalimbali pamoja na jamii kwa ujumla.

Mkurugenzi Mkuu wa Mamlaka ya Elimu na Mafunzo ya Ufundi Stadi (VETA) CPA. Antony Kasore amesema kuwa dhamira ya VETA ni kuweka mfumo nyumbufu wa mafunzo unaowezesha Watanzania kupata elimu ya ufundi kwa usawa na ubora unaokidhi viwango vya kitaifa na kimataifa.

Naibu Katibu Mkuu wa Elimu, Sayansi na Teknolojia, Dkt. Hussein Omar, amesema changamoto kubwa kwa wahitimu wa Vyuo vya Ufundi (VETA) siyo mtaji pekee bali ni soko la bidhaa na huduma zao, hivyo suluhisho ni kuanzisha vikundi vya uzalishaji (clusters) vitakavyowawezesha vijana kujikusanyia mtaji na kupata masoko ya uhakika kupitia mfumo wa manunuzi ya Serikali.

Ujenzi na uboreshaji wa miundombinu ya Vyuo vya VETA pamoja na uwekaji wa mitambo na vifaa vya kisasa vya kufundishia na kujifunzia umeonyesha juhudi za Serikali katika kuboresha mazingira ya kujifunzia katika Vyuo hivyo.

Kamati ya Kudumu ya Bunge ya Elimu, Utamaduni na Michezo ikipata maelezo ya vifaa na mitambo ya kisasa ya kufundishia na kujifunzia katika karakana ya Chuo cha Ufundi na Mafunzo ya Ufundi Stadi (VETA) Wilaya ya Chemba januari 24, 2026.

Mitambo na vifaa hivyo sehemu ya vimenunuliwa na Wizara ya Elimu, Sayansi na Teknolojia na kusambazwa katika vyuo 54 vya VETA nchini.

Kijana Joseph Joachim Mtei, mwenye ulemavu wa mikono na aliyemaliza masomo ya Ufundi Stadi katika Chuo cha VETA Dodoma, amekuwa mfano wa kuigwa baada ya kuwa na bidii na kupelekea kuajiriwa katika Kampuni Tanzu ya Ujuzi ya VETA.

Huu ni utekekezaji kauli mbiu ya hakuna mtoto kuachwa katika elimu na ujuzi kutokana na hali yeyote.

Kamati ya Kudumu ya Bunge ya Elimu, Utamaduni na Michezo ikipata maelezo ya vifaa na mitambo ya kisasa ya kufundishia na kujifunzia katika karakana ya Chuo cha Ufundi na Mafunzo ya Ufundi Stadi (VETA) Wilaya ya Chemba januari 24, 2026.

Kamati ya Kudumu ya Bunge ya Elimu, Utamaduni na Michezo imepongeza mageuzi makubwa yaliyofanywa katika Sera ya Elimu na Mafunzo ya mwaka 2014 (Toleo la 2023) pamoja na Mitaala iliyoboreshwa, ikielezwa kuwa hatua hiyo italeta mabadiliko makubwa katika ajira kwa vijana na kukuza uchumi wa mtu mmoja mmoja na taifa kwa ujumla.

Wizara ya Elimu, Sayansi na Teknolojia imeendelea kupeleka mbele ajenda ya kuboresha Elimu, Sayansi na Teknolojia nchini kwa kushirikiana na wadau mbalimbali.