Makamu wa Rais, Mhe. Balozi Dkt. Emmanuel John Nchimbi,amezitaka Taasisi za elimu ya juu nchini kuimarisha tafiti na ubora wa elimu kwa kushirikisha Sekta binafsi,hasa katika Sayansi na Teknolojia, ili kuongeza ubunifu na kuimarisha ufundishaji na ujifunzaji.

Waziri wa Elimu, Sayansi na Teknolojia, Prof. Adolf Mkenda, amesema kuwa uzinduzi wa Mpango wa Kitaifa wenye lengo la Kukuza Ujuzi na Ajira ni utekelezaji wa ahadi ya Rais Samia Suluhu Hassan aliyoitoa wakati wa Kampeni za uchaguzi kwa mwaka 2025 kwamba ndani ya siku 100 endapo atachaguliwa na kuapishwa kuwa Rais wa Jamhuri ya Muungano wa Tanzania Serikali ingeandaa na kuzindua Mpango wa kukuza ujuzi na uwezo wa kuajirika kwa vijana, na sasa ahadi hiyo imetimia kabla ya muda uliowekwa.

Makamu wa Rais wa Jamhuri ya Muungano wa Tanzania, Mhe. Balozi Dkt. Emmanuel John Nchimbi, Februari 9, 2026, jijini Dar es Salaam amezindua Mpango wa Ushirikiano kati ya Taasisi za elimu na Viwanda unaolenga kulinganisha mafunzo na mahitaji halisi ya soko la ajira.

Naibu Waziri wa Elimu, Sayansi na Teknolojia Mhe. Wanu Hafadh Ameir amesisitiza kuwa uzalishaji wa wahitimu wenye ujuzi unaolingana na mahitaji ya soko la ajira ndio dhamira ya dhati ya Serikali ya Awamu ya sita inayoongozwa na Rais Mhe. Dkt. Samia Suluhu Hassan

Mwenyekiti wa Kamati ya Kudumu ya Bunge ya Elimu, Michezo na Utamaduni, Mhe. Husna Sekiboko, leo Februari 9, 2026 katika uzinduzi wa Mpango wa pamoja wa Ushirikiano kati ya Taasisi za Elimu na Viwanda unaofanyika Jijini Dar es Salaam ameipongeza Wizara ya Elimu, Sayansi na Teknolojia kwa mageuzi makubwa yaliyofanyika kwa muda mfupi wa kuhakikisha vijana wanapata ujuzi.

Uzinduzi wa Mpango wa Ushirikiano kati ya Taasisi za Elimu na Viwanda unaofanyika leo Februari 9, 2026 jijini Dar es Salaam ni muendelezo wa mageuzi ya elimu yanayokwenda kuunganisha nadharia darasani na vitendo viwandani.

Mpango huu utawezesha kupata Wahitimu watakaokuwa na ujuzi tayari kushiriki katika uchumi wa viwanda.

Serikali imesema itaendea kuweka  mkazo katika kuimarisha maslahi, ushiriki na mazingira ya kazi kwa walimu wanawake na walimu wenye ulemavu ikiwa ni sehemu ya juhudi za kujenga mfumo jumuishi wa elimu unaotoa fursa sawa kwa wote.

Hayo yamesemwa jijini Dodoma Februari 6, 2026 na Naibu Waziri wa Elimu, Sayansi na Teknolojia Mhe. Wanu Hafidh Ameir wakati wa ufunguzi wa kikao cha Wawakilishi wa Walimu Wanawake na Walimu wenye ulemavu kutoka mikoa yote ya Tanzania Bara.