Serikali imesisitiza umuhimu wa kuimarisha programu ya lishe shuleni, ikisema utoaji wa chakula salama, chenye virutubisho na kinachokidhi mahitaji ya watoto ni uwekezaji muhimu katika afya, ujifunzaji, mahudhurio, kubaki shuleni na ujenzi wa rasilimali watu nchini.

Hayo yamesemwa Agosti 19, 2026, jijini Dar es Salaam na Mkurugenzi msaidizi wa Uendelezaji Sera za Elimu Msingi kutoka Wizara ya Elimu, Sayansi na Teknolojia, Bw. Victor Bwindiki, wakati wa Kikao kazi cha Kitaifa cha Wataalamu wa Lishe Shuleni, amesema lishe shuleni si suala la kuwapatia wanafunzi chakula pekee, bali ni sehemu ya maandalizi ya kizazi chenye afya na uwezo wa kushiriki katika utekelezaji wa mipango ya maendeleo ya Taifa,

Amesema iwapo programu hiyo itatekelezwa kwa ufanisi katika shule zote, itasaidia kujenga rasilimali watu yenye tija nchini, Afrika na Duniani.

Bwindiki amewataka wadau kuendelea kushirikiana katika kuimarisha ajenda ya lishe shuleni, akisema utaalamu, rasilimali fedha, ubunifu na uzoefu wa washirika mbalimbali ni muhimu katika kufikia malengo hayo.

Kwa upande wake, Dkt. Emmanuel Shindika, Mkurugenzi wa Idara ya Usimamizi wa Elimu, Ofisi ya Waziri Mkuu – TAMISEMI, amesema hakuna mtoto anayepaswa kujifunza akiwa na njaa, akisisitiza kuwa mtoto anayepata chakula ana uwezo mkubwa wa kujifunza, kuwa na afya bora na kutimiza ndoto zake.

Amesema lishe shuleni haipaswi kuangaliwa kama suala la kupanga milo pekee, bali ni maandalizi ya mustakabali wa Taifa. Amesisitiza kuwa afya njema ya mwili na utulivu wa akili ni msingi wa mtoto kujifunza kwa ufanisi, hivyo Serikali na wadau wanapaswa kuwa na dhamira ya dhati ya kutafuta suluhisho la changamoto zinazokwamisha upatikanaji wa chakula shuleni badala ya kutafuta visingizio.

Naye Vera Kwara, Mkuu wa Kitengo cha Lishe na Programu za Shule kutoka Shirika la Chakula Duniani (WFP), ameipongeza Serikali kupitia Wizara ya Elimu, Sayansi na Teknolojia pamoja na OWM- TAMISEMI kwa uongozi na jitihada za kuendeleza ajenda ya kitaifa ya lishe shuleni. Amesema mafanikio ya programu hiyo yanahitaji ushiriki wa taasisi na wadau wote, kwani hakuna taa

Idara ya Elimu Msingi

Habari

Kurasa za karibu

Matangazo

Taarifa kwa umma

Mahali

Barua Pepe

Habari

Kurasa za karibu

Matangazo

Taarifa kwa umma