Karibu Viwanja vya Sekondari Popatlal jijini Tanga ujionee mwenyewe teknolojia mbalimbali katika Maadhimisho ya Kitaifa ya Wiki ya Elimu, Ujuzi na Ubunifu 2024.
Mkuu wa Wilaya ya Tanga Mhe. James Kaji ametembelea katika viwanja vya Shule ya Sekondari Popatlal kujionea Maadhimisho ya Kitaifa ya Wiki ya Elimu, Ujuzi na Ubunifu yaliyoanza leo Mei 25, 2024.
Tanga Kumekucha, Watu wakiendelea kupata elimu na huduma katika Viwanja vya Shule ya Sekondari Popatlal ikiwa ni sehemu ya Maadhimisho ya Kitaifa ya Wiki ya Elimu, Ujuzi na Ubunifu.
Karibuni Wananchi wote Mkoa wa Tanga na Mikoa ya Jirani.
*Asema Tukutane Tanga*
Wizara ya Elimu, Sayansi na Teknolojia imetangaza kuanza kwa Maadhimisho ya Kitaifa ya Wiki ya Elimu, Ujuzi na Ubunifu yanayotarajiwa kufanyika katika viwanja vya Shule ya Sekondari Popatlal na ukumbi wa mikutano wa Hoteli ya Bahari Beach Jijini Tanga, kuanzia tarehe 25 hadi 31 Mei, 2024.
Waziri wa Elimu, Sayansi na Teknoljia Profesa Adolf Mkenda Mei 21, 2024 Jijini London amekutana na Makamu Mkuu wa Chuo Kikuu cha kilimo na Mifugo cha Harper Adams Prof. Ken Sloan
Chuo hicho kinatoa mafunzo kwa kutumia mfumo wa amali ambapo Prof Mkenda ametembelea kujionea namna wanavyoendesha programu hizo na kufanya mazungumzo ya kuanzisha uhusiano kati ya Chuo hicho na Vyuo Vikuu vinavyotoa mafunzo katika fani za Kilimo na mifugo nchini.
Na WyEST
London Uingereza
Waziri wa Elimu Sayansi na Teknolojia Prof. Adolf Mkenda amewasilisha Mada juu ya mageuzi ya Elimu Tanzania na kuwakosha wajumbe wa Mkutano wa Elimu Duniani unaofanyika London Uingereza.
Tanzania inashiriki katika Mkutano huo ulioleta pamoja nchi zaidi ya 200 Duniani kujadili maendeleo ya Elimu Duniani ikiwa ni nguzo kuu ya kuandaa Rasilimali watu wenye ujuzi ma mtaji mkubwa katika kuleta maendeleo.
Waziri wa Elimu, Sayansi na Teknolojia Prof. Adolf Mkenda anashiriki Mkutano wa Kimataifa wa Elimu (The Education World Forum) London nchini Uingereza 20,Mei, 2024.
