Katibu Mkuu Wizara ya Elimu, Sayansi na Teknolojia Prof. Carolyne Nombo amewataka Wakufunzi katika Chuo cha Ualimu tarajali Korogwe jijini Tanga kufahamu mwelekeo wa elimu, na kuhakikisha wanawajibika kikamilifu katika kutekeleza mabadiliko ya Elimu yanayolenga kuimarisha ufundishaji kidijitali.

Nombo ametoa rai hiyo Mei 29, 1024 jijini Tanga wakati akizungumza na Wakufunzi na Wafanyakazi Mwega wa Chuo hicho kuhusu masuala mbalimbali ya Elimu.

Katibu Mkuu Wizara ya Elimu, Sayansi na Teknolojia Prof. Carolyne Nombo amesema Tanzania imejiandaa kutumia Teknolojia kikamilifu katika kuimarisha ubora wa elimu na kuhakikisha inaendana na mahitaji ya soko la ajira Kimataifa na mahitaji mapana ya Taifa.

Katibu Mkuu Wizara ya Elimu, Sayansi na Teknolojia Prof. Carolyne Nombo akiwa Shule ya Sekondari ya Wasichana Korogwe kuona maendeleo ya utoaji Elimu na utekelezaji wa Mitaala iliyoboreshwa.

Shule hiyo kongwe iliyoanza Mwaka 1965 ni miongoni mwa Shule zinazotoa Mafunzo ya Amali, ina mchepuo wa Kilimo, Ushoni na Mapishi.

Katibu Mkuu Wizara ya Elimu, Sayansi na Teknolojia Prof. Carolyne Nombo yupo katika Halmashauri ya Wilaya ya Korogwe mkoani Tanga katika ziara Chuo cha Ualimu Korogwe na Shule ya Sekondari ya Wasichana Korogwe.

Mkuu wa Mkoa wa Tanga Mhe. Balozi Dkt. Batilda Burian amesema ni heshima kubwa kwa mkoa huo kuwa Mwenyeji wa Maadhimisho ya Kitaifa ya Elimu, Ujuzi na Ubunifu, Wanatanga nawakaribisha kutembelea Maonesho kujifunza mambo mbalimbali ikiwemo Teknolojia.

Katibu Mkuu Wizara ya Elimu, Sayansi na Teknolojia Prof. Carolyne Nombo amesema Monyesho ya Kitaifa ya Elimu, Ujuzi na Ubunifu yameibua fursa mbalimbali kwa Wananchi, Wadau mbalimbali wa Maendeleo pamoja na Vijana katika kujifunza teknolojia mbalimbali za kisasa.

Naibu Katibu Mkuu Wizara ya Elimu, Sayansi na Teknolojia Prof. James Mdoe katika Ufunguzi wa Maadhimisho ya Kitaifa ya Elimu, Ujuzi na Ubunifu yanayofanyika viwanja vya Shule ya Sekondari Popatlal jijini Tanga.

Waziri wa Elimu, Sayansi na Teknolojia Prof. Adolf Mkenda amesema Maadhimisho ya Kitaifa ya Elimu, Ujuzi na Ubunifu ni sehemu ya mikakati ya serikali katika kuongeza hamasa ya kukuza elimu ujuzi na ubunifu katika kuchagiza maendeleo ya kiuchumi na kijamii.