Mkurugenzi wa Elimu Maalum kutoka Wizara ya Elimu Sayansi na Teknolojia Dkt. Magreth Matonya amesema ni muhimu kuzingatia suala la chakula na lishe bora kwa Wanafunzi wenye mahitaji maalum, kwa sababu baadhi yao wanapata madhara ya kiafya kutokana na kukosa huduma bora.

Dkt. Matonya amesema hayo Julai 25, 2024 wakati akizungumza katika Kongamano la Kitaifa la Utoaji Chakula na Lishe Shuleni linalofanyika jijini Dodoma.

Mratibu wa Masula ya Lishe Ofisi ya Waziri Mkuu Bi. Abigail Marwa ameipongeza Wizara ya Elimu, Sayansi na Teknolojia kuwa miongoni mwa Wizara mtambuka zinazochangia na kusimamia kikamilifu suala la chakula na lishe Shuleni.

Wanafunzi kutoka Shule ya Msingi Mlimani jijini Dodoma wakitumbuiza kwenye Kongamano la Kitaifa la Utoaji wa Chakula na Lishe Shuleni linalofanyika tarehe 25 - 26 Julai 2024 Jijini Dodoma.

Kamishna wa Elimu Dkt. Lyabwene Mtahabwa katika Kongamano la Kitaifa la Utoaji Chakula na Lishe Shuleni linalofanyika jijini Dodoma kuanzia hii leo Julai 25 hadi 26 2024.

Wadau mbalimbali wa Lishe na Elimu wakutana Dodoma kushiriki Kongamano la Kitaifa la Utoaji wa Chakula na Lishe Shuleni linalofanyika kwa siku mbili tarehe 25 hadi 26, 2024.

Kongamano hilo linaloongozwa na kauli Mbiu: Huduma ya chakula na lishe shuleni Kwa afya na elimu bora.

Serikali imetoa jumla ya shilingi bil. 310 kwa ajili ya ujenzi wa miundombinu ya shule 707 hapa nchini ukiwemo ujenzi wa shule mpya, kuongeza vyumba vya madarasa katika shule mbalimbali za sekondari zenye uhitaji pamoja na ukarabati wa miundombinu mingine ya shule hizo.

Katibu Mkuu Wizara ya Elimu, Sayansi na Teknolojia Prof. Carolyne Nombo Julai 24,2024 Jijini Dodoma amekutana na Mkuu wa kitengo cha Elimu wa Shirika la Umoja wa Mataifa linaloshughulikia Watoto (UNICEF) Bw. Daniel Baheta na kufanya mazungumzo yanayolenga kuimarisha uhusiano katika sekta ya elimu.

Waziri wa Elimu, Sayansi na Teknolojia Prof Adolf Mkenda, Katibu Mkuu Prof. Carolyne Nombo na Naibu Katibu Mkuu Dkt. Franklin Rwezimula leo Julai 23, 2024 Jijini Dodoma wamekutana na kumuaga Mkuu wa kitengo cha Elimu wa Shirika la Umoja wa Mataifa linaloshughulikia watoto (UNICEF) Bw. Daniel Baheta anayetarajia kuondoka nchini Tanzania mwishoni mwa Mwezi Agosti baada ya kupata uhamisho wa kikazi kuelekea nchini Sudani.