Mwalimu Komba wa Shule ya Sekondari Iyunga amesema kuwa Shule zilizopokea Vifaa vya Kidigitali vya kufundishia na kujifunzia watasimamia matumizi sahihi ya vifaa hivyo ili kuboresha elimu na ujuzi kwa vijana.

Akizungumza wakati wa ugawaji wa vifaa hivyo, kwa niaba ya shule zilizopokea vifaa Mwalimu Komba ameishukuru Serikali Kwa kuwapatia Vifaa hivyo vitakavyosaidia kwenye ufundishaji na ujifinzaji.

Serikali kwa kushirikiana na wadau wa maendeleo imetoa vifaa vya TEHAMA vyenye thamani ya jumla ya Sh. 769,390,000 kwa shule za Msingi na Sekondari 19 zilizopo katika mikoa 9 ya Tanzania Bara na Zanzibar.

Katibu Mkuu wa Wizara ya Elimu, Sayansi na Teknolojia Prof. Carolyne Nombo amesema kuwa dhamira ya Serikali ya Awamu ya Sita ni kuboresha elimu nchini kwa kuzingatia mahitaji ya karne ya 21.

Akizungumza Machi 30, 2026 Jijini Dodoma katika hafla ya ugawaji vifaa vya kidijitali, Prof. Nombo amesema kuwa lengo la pamoja kati ya Serikali na Wadau ni kuendeleza elimu na kuimarisha matumizi ya teknolojia katika mfumo wa ufundishaji na ujifunzaji.

Naibu Waziri wa Elimu, Sayansi na Teknolojia, Mhe. Wannu Hafidh Ameir, akikabidhi vifaa vya TEHAMA kwa Wakuu wa shule za msingi na sekondari kutoka mikoa tisa ya Tanzania Bara na Visiwani.

Naibu Waziri wa Elimu, Sayansi Teknolojia Mhe. Wanu Hafidh Ameir Machi 30, 2026 jijini Dodoma amewasili katika viwanja vya Ofisi za Wizara hiyo, kwa ajili ya kugawa Vifaa Vya Kijiditi vya Kufundishia na Kujifunzia katika Shule za Awali na Msingi na Shule za Sekondari nchini.

Hatua hii ni sehemu ya jitihada za Serikali za kuimarisha matumizi ya TEHAMA katika sekta ya elimu na kuboresha mazingira ya ujifunzaji kwa wanafunzi na walimu.

Alfajiri ya Machi 29, 2026 kundi la kwanza la walimu 39 kati ya jumla ya 150 limeondoka kwa ndege ya Oman Air kuelekea New Delhi, India. Safari hii ni sehemu ya mpango wa kitaifa wa kuimarisha elimu ya ufundi na umahiri, ikilenga kuandaa walimu wenye uwezo wa kisasa na mbinu shirikishi za ufundishaji.