Kampasi ya Lindi ya Chuo Kikuu cha Dar es Salaam itajikita katika program za Kilimo, Sayansi ya Udongo, Teknolojia na Usindikaji wa Vyakula.

Akizungumza katika hafla ya uwekaji jiwe la msingi la ujenzi wa Kampasi ya Lindi, Disemba 20, 2025 Makamu Mkuu wa UDSM Prof. William Anangisye amesema program nyingine ni Biashara za Kilimo, pamoja na maeneo shirikishi ikiwemo Madini, Mazingira na Ulinzi wa Mambo ya Kale.

Mkuu wa Chuo Kikuu cha Dar es Salaam, Rais Mstaafu wa Jamhuri ya Muungano wa Tanzania Mhe. Dkt. Jakaya Mrisho Kikwete amesema kuwa mwaka ujao wa masomo 2026/27, utakaoanza Oktoba Kampasi ya UDSM Lindi itapokea wanafunzi wa kwanza.

Naibu Waziri wa Elimu, Sayansi na Teknolojia, Mhe. Wanu Hafidh Ameir, amewataka wanafunzi wa Chuo Kikuu cha Taifa cha Zanzibar (SUZA) kutumia fursa ya mikopo ya elimu ya juu inayotolewa na Bodi ya Mikopo ya Elimu ya Juu (HESLB), ili waweze kujiendeleza kielimu na hatimaye kuwa rasilimali muhimu kwa jamii na taifa kwa ujumla.

Naibu Waziri wa Elimu, Sayansi na Teknolojia, Mhe. Wanu Hafidh Ameir, amesema Mradi wa EASTRIP umeleta mageuzi makubwa katika Chuo cha Usafirishaji (NIT) kwa kuanzisha mafunzo ya urubani nchini kwa mara ya kwanza, hatua inayoweka msingi imara wa kuandaa wataalam wa usafiri wa anga ndani ya nchi.