Wakuu wa Vyuo vya Ualimu vya Serikali wametakiwa kuwa vinara wa utekelezaji mabadiliko yanayoendelea katika sekta ya elimu kwa kuimarisha uongozi, uwajibikaji na matumizi bora ya rasilimali ili kuhakikisha utekelezaji wa Mtaala ulioboreshwa unafikia malengo yaliyokusudiwa.

Rai hiyo imetolewa Agosti 7, jijini Dodoma, na Mkurugenzi wa Uendelezaji Rasilimali Watu Wizara ya Elimu, Sayansi na Teknolojia Dkt. Edith Rwiza wakati akifunga Kikao Kazi cha Wakuu hao na Waratibu wa Taaluma kilicholenga kutathmini utekelezaji wa Mtaala ulioboreshwa wa Elimu ya Ualimu ulioanza utekelezaji mwaka 2023 na kuimarisha usimamizi wa vyuo.

Dkt. Rwiza amesema Wakuu wa vyuo wanapaswa kuhakikisha mafunzo na maazimio yaliyofikiwa katika kikao hicho yanatekelezwa kwa vitendo, huku wakisimamia nidhamu ya kazi, uwajibikaji na matumizi sahihi ya fedha na rasilimali za Serikali.

Akizungumzia Mfumo wa Tathmini ya Utendaji Kazi kwa Watumishi wa Umma (PEPMIS), amesisitiza kuwa mfumo huo ni nyenzo muhimu ya kupima utendaji na kuwajengea watumishi uwajibikaji, hivyo usimamizi wake unapaswa kupewa kipaumbele katika kila chuo.

“Wakuu wa Vyuo hakikisheni watumishi wanajaza taarifa zao kwa usahihi, malengo yao yanaendana na vipaumbele vya Serikali, na tathmini za utendaji zifanyike kwa kuzingatia matokeo ya kazi,”amesisitiza Dkt. Rwiza.

Kwa upande wake Mkurugenzi Msaidizi Idara ya Elimu ya Ualimu na Mafunzo kutoka Wizara hiyo Mathias Mvula amesema kikao kazi hicho kimefungua ukurasa mpya wa utendaji katika Vyuo vya Ualimu nchini kutokana na tathmini iliyofanyika na kuweka mpango ya utekelezaji yenye matokeo.

Akizungumza kwa niaba ya Wakuu wa Vyuo vya Ualimu nchini Mwenyekiti wa Wakuu wa Vyuo vya Serikali ambae pia ni Mkuu wa Chuo cha Ualimu Morogogo Agustio Sahili ameahidi utendaji wenye ufanisi ili kufanikisha malengo mapana ya Serikali ya uandaaji walimu mahiri nchini

Idara ya Utawala na Usimamizi wa Rasilimali Watu

Habari

Kurasa za karibu

Matangazo

Taarifa kwa umma

Mahali

Barua Pepe

Habari

Kurasa za karibu

Matangazo

Taarifa kwa umma