Naibu Waziri wa Elimu, Sayansi na Teknolojia, Mhe. Wanu Hafidh Ameir, amepongeza maendeleo ya ujenzi wa Chuo cha Ufundi Stadi (VETA) Mkoa wa Songwe na kusisitiza umuhimu wa kukamilisha mradi huo kwa wakati ili mafunzo yaanze mapema na kuwawezesha vijana kupata ujuzi unaohitajika katika soko la ajira.

Mhe. Wanu ameyasema hayo leo, Julai 21, 2026, alipofanya ziara ya kukagua maendeleo ya ujenzi wa chuo hicho. Amesema ameridhishwa na kiwango cha utekelezaji wa mradi pamoja na ubora wa majengo yanayojengwa.

"Nimeridhishwa na maendeleo ya ujenzi huu na ubora wa majengo. Nawapongeza wananchi wa Mbozi na Mkoa wa Songwe kwa kuwa chuo hiki kitakuwa fursa muhimu ya kuwajengea vijana ujuzi na kuchochea maendeleo ya kiuchumi," amesema Mhe. Wanu.

Aidha, amepongeza usimamizi wa mradi huo, akieleza kuwa utekelezaji wake unaonesha matumizi mazuri ya fedha za Serikali, ambapo kiwango cha kazi kilichofanyika kinaendana na thamani ya fedha zilizotolewa. Amesema hali hiyo ni ishara ya uwajibikaji na usimamizi mzuri wa rasilimali za umma.

Chuo cha VETA Mkoa wa Songwe ni miongoni mwa vyuo 65 vya ufundi stadi vinavyojengwa na Serikali kupitia Wizara ya Elimu, Sayansi na Teknolojia na Ujenzi wake ulianza mwaka 2023 kwa gharama ya shilingi bilioni 3.31, ukihusisha majengo 25 yakiwemo jengo la utawala, maktaba, madarasa, bwalo na jiko, karakana saba, nyumba tano za watumishi, mabweni manne, vyoo vya nje, kibanda cha mlinzi pamoja na jengo la kupokea umeme.

Mradi unatarajiwa kukamilika ifikapo Septemba 2026, huku chuo kikitarajiwa kuanza kudahili wanafunzi wa kwanza na kuanza rasmi mafunzo mwezi Januari 2027

Idara ya Elimu ya Ufundi na Mafunzo ya Ufundi Stadi

Habari

Kurasa za karibu

Matangazo

Taarifa kwa umma

Mahali

Barua Pepe

Habari

Kurasa za karibu

Matangazo

Taarifa kwa umma